Alt
Vørunr. Vørunavn Eind Mynd Goymsla Prísur v/MVG

Sjokolátakøka við Sopi mousse


Arbeiðsháttur

Vinnarakøkan í køkukappingini 2021
Gjørt hevur Jeanette Lassen

Sjokuláta køka

Skoldað berini og set at dryppa frá.

Hita ovnin til 180 hitastig. Koyr alt tilfarið í ein bolla og píska í uml 2 min. Smyr ein rundan form á 26  cm og bakað køkuna í 40 min, kannað um hon er liðug, við at stinga í miðjuna. Set síðani at kólnað.

Sjokuláta ganache

Koyr alt tilfarið í eina grýtu, á miðalheitum hita, til sjokulátan er smelta, rør so, til alt er javnt og set í køliskápið í minst 30 min. Tá køkan er kólnað skal hon skerast í 2 botnar.

Legg niðara botnin á ein flatan tallert ella fat. Set síðani ein form, ið kann stillast í stødd við køkuplastið innan. Sjokuláta ganache skal smyrjast omaná og smyrjast út móti og á køkuplasti, so skúmið ikki fer at renna úr forminum.

Ber

Sker berini í helvt og legg tey javnt út á sjokuláta ganache, set á køl.

Sopi mousse

Bloyt husblas í køldum vatnið í uml 5 min. Koyr Sopi, súrróma og floursukur  í ein bolla og rør saman við einum píski rísið.

Koyr tey bloyttu husblasini í eina lítla grýtu og hita á miðal lágum til tað er smeltað og tak av hitanum. Tak nú eina súpuskeið av Sopi blandingini, í heitu grýtuna og rør skjótt, síðani eina afturat, eina afturat og eina afturat. Á hendan hátt sleppur tú undan at husblas ger klumpar.

At enda stoytur tú alt husblasið í Sopi blandingina og rørir skjótt so alt blandast, uttan at klumpast.

Píska róman stívan og vend varliga í Sopi blandingini og stoyt varliga omaná berini. Set køkuna á køl. Eftir uml ein tíma, er mousse stívt nokk til at tú kanst leggja ovara køku botnin omaná. Fryst síðani køkuna í minst 3 tímar, gjarna til næsta dag.

Glaze

Bloyt husblas í køldum vantið í uml 5 min. Kókað sukur, mjólk og glukose sirop, til sukurkornini eru smeltað, og tak av hitanum. Koyr tey bloyttu husblasini í grýtuna og rør alt saman. Sjokulátan skal í eitt høgt og smalt ílat, og heita mjólkavatnið omanyvir, lat standa í 2 min.

Vit ynskja ikki luft bløðrur í glaze,. Fyri at minka um hetta, set ílatið á skrá og koyr varliga stavblendarin heilt niður í, og blenda, uttan at lyfta blendarin upp frá. Steðga blendaranum og lyft hann síðani varliga upp. Banka 2-3 ferðir í borðið, og fjerna luft bløðrur, um neyðugt, við eini skeið. Síla varliga í eina kannu við túti og dekka til so tað er luft tætt. Lat glaze kólnað til um 36 hitastig.

Tak køkuna úr forminum og set á eitt ílat, ið er smalari enn køkan og minst 5 cm høgt. Set eina bakarovnsskuffu undir. Stoyt nú glaze omanyvir køkuna, og fá tað at renna niður á allar síður. Lat køkuna standa í 5 min og skava síðurnar penar. Flyt køkuna yvir á eitt fat, við tveimum stórum knívum ella lagkøku knívum. Um tú ynskir kanst tú pynta við frískum berum, sjokuláta pyntið o.s.fr. bert hugflogið setur mørk.

Psst.. um tín glaze ikki riggar í fyrsta umfarið, kanst tú royna teg um aftur, á somu køku eftir uml 5-10 min. Tó bert 2 ferðir, so tað ikki verður ov tjúkt lag.

 

Góða eyðnu og vælgagnist!


Sjokoláta kúgv

 

Ricekrisp massi

Set smør klárt til hendurnar, so massin ikki klistrar ov illa, tá tú fert at forma. Smelta smør og síðan skumfidus yvir vatnbað og blanda síðan Ricekrisp í. Forma meðan massin enn er heitur og bleytur, set síðani at kólnað.

Modellerings sjokuláta

Smelta sjokuláta í vatnbað. Rør sirop og heitt vatn saman og koyr í sjokulátuna. Rør varliga frá síðuni og inn í miðjuna, til alt blívur til tjúkkan massa, og steðga so, hetta tekur uml 1-2 min, rør enduliga ikki ov nógv. Legg film á borðið og stoyt sjokuláta massan á og folda síðurnar inn, so eingin luft er í, set at kólnað í minst 3 tímar.  

Massin er nú sera harður og skal takast út á borðið í uml 15 áðrenn tú skalt brúka tað. Brót tær lítil pettir og elta tað, til tað blívur bleytt og eins. Um tað blívur ov bleytt, legg tað til síðis í uml 3 min og byrja so aftur. Nú kanst tú forma, tað tú vilt.

 

Forma sjokulátuna til flatar rundingar og dekka Ricekrisp formin til. Síðan kanst tú seta eyka sjokuláta  á, og lætt javna tað inn, við lítlari skeið ella modellerings tólum. Set tín form til síðis í 10-15 min og nú kanst tú lita, við fruktfarvu og farvupaste. Tað kann vera ein hjálp at blanda við kakao pulvur, til myrkar farvur ella floursukur,til ljósar farvur, um tað er ov tunt.

 

Góða eyðnu og vælgangist, tí kúgvin kann etast og smakkar væl!

Tilfar

Sjokuláta køka
300 g hveitimjøl
200 g sukur
80 g kakao pulvur
2 tsk bakipulvur
2 tsk vaniljusukur
1 tsk salt
2 egg
1 dl solsikke olja
3 dl Bónda mjólk

Sjokuláta ganache
1 dl róma at píska
1 tsk havsalt
85 g myrk sjokuláta

Bromber
300 g Fryst bromber: møguligt er at nýta ber eftir egnum ynski, hindber, jarðber o.s.fr..

Sopi mousse
9 bløð husblas
3 stk Sopi við hindber, sólber og bláber
1 pk súrrómi 18%
80 g flourmelis
1 pk rómi

Glaze
4 bløð husblas
200 g sukur
2 dl mjólk
40 g glukose sirop Dansukker
200 g sjokuláta

Tilfarslisti til sjokolátu kúnna
Ricekrisp massi
2 súpsk Smør
75 g skúmfidus
50 g Ricekrisp
2 súpsk Smør til hendurnar


Modellerings sjokuláta
250 g hvít Carletti sjokuláta
65 g glukosesirop
1 súpsk kókandi vatn

Fakta

Vøra: