Tá ið, vikuskifti er fyri framman ella ein serligur dagur skal haldast, er tað altíð stuttligt at borðreiða við einari nýggjari køku og tað er heilt sikkurt Blondie køkan. Í ár hava Blondie køkur í ymsum útgávum verið væl dámdar uttanlanda og her heima. Nú hevur tú høvið til at gera eina vælsmakkandi Blondie køku. Uppskriftina hevur Ranvá Knudsen gjørt, í samstarv við Røsku og blaðið Fyndin.

Blondie:

Set bakarovnin á 175 hitastig.
Smelta smør og hvíta sjokulátu spakuliga í grýtu, hitin má ikki vera ov høgur.
Píska egg og sukur heilt stutt í einum bolla. Tað skal ikki pískast luft í, men bara akkurát koma saman. Vend spakuliga sitrónskal og mjøl í eggjablandingina.
Blanda síðan sjokulátublandingina varliga saman við eggjablandingini.

Legg bakipappír í ein springform á 24 cm. Set inn í heitan bakarovn og baka mitt í ovninum í umleið 45-50minuttir. Set botnin á eina bakirist at kølna.

Hugskot:
Best at baka botnin dagin fyri.
Verður botnurin bakaður sama dag, set so køkuna kalt í minsta lagi 6tímar.

Berjakrem:

Píska róma, súrróma, rómaost, vaniljusukur og florsukur í einum bolla, til kremið er eitt sindur stívt.
Vend síðani tiðnaðu hindberjunum í kremið og legg tað á botnin.

Sjokulátakrem:

Hita róma til hann næstan kókar og stoyt hann út yvir mjólkasjokulátuna og rør, til sjokulátakremið er komið saman. Tá sjokulátakremið er kólnað, verður tað koyrt út yvir køkuna.

 

Pynt:

Pynta við frískum hindberjum

Blondie:

180g av smøri

350g av hvítari sjokulátu (Callebaut)

180g av sukri

5  egg

120g av mjøli

Skal av 2 vistfrøðiligum sitrónum.

Berjakrem:

250ml av róma

1pk súrróma 38%

1/2pk av rómaosti

2tsk av vaniljusukri

60g av florsukri

150g av frystum hindberjum

 

Sjokulátakrem:

50g av róma

50g av mjólkasjokulátu.

Pynt:

Frísk hindber